Елези повторно погоди, но Вараждин поразен во Копривница

Домаќинот во Копривница поведе со 2-0 со два експресни гола на Штркаљ и на Хоџа, во 16. и во 18. минута, но многу бргу Вараждин возврати на сличен начин. Во 31. минута Пелумби намали, а седум подоцна Елези изедначи на 2-2.

Овој резултат беше активен и актуелен до 82. минута, кога Штркаљ постигна втор гол и покрај тоа што неговата екипа остана со десетмина 14 минути претходно. Ова е втор гол за Елези сезонава, но втор на последните три натпревари. Вараждин е петти на табелата во Хрватска со 14 бода, Славен има два помалку на осмата позиција.