Експертите резервирани: Многу е важно во каква форма ќе се трошат 6-те милијарди евра од Британија
Финансиските и инвестициските експерти по два дена откако премиерот Христијан Мицкоски објави дека е постигнат договор за стратешко партнерство со Обединетото Кралство, и натаму немаат јасна слика како ќе се трошат 6-ѕе милијарди евра кои ги најави шефот на Владата.
Тие единствено велат дека е многу важно дали инвестициите ќе се реализираат преку форма на задолжување, што ќе има фискални имлликации, или пак тоа ќе се спроведува преку јавно-приватни партнерства со британски фирми. Многу важно ќе биде, според нив, доколку во овие инвестиции има и помош во форма на неповратен грант, но и за тоа да бидат реформски подготвени институциите да одговорат на очекувањата.
Со овие пари треба да се доградат болници и да се изгради нов клинички центар и медицински факултет. Треба и да се изгради брза железница преку Коридор 10. Условите се уште сепак се непознати, а премиерот Мицкоски демантираше дека за возврат ќе се градат мигрантски кампови.
– Овој договор е мојот нов договор за Македонија по примерот на оној кој го обзнани американскиот претседател Рузвел и кој епознат во историјата. Овој договор значи отворање на работни места, равој, напредок, многу нови инфраструктурни проекти, многу големи гигантски проекти какви што досега немало, инвестиции во железници преку брзи лини, автопати и патишта, болници, образование и други сектори. Ова е договор кој на Македонија ќе и донесе пари за да работи и инвестира во својот напредок во вредност од 6 милијарди евра!, порача денес Мицкоски
