ЕКОНОМСКИ ФЕНИКС: Порано беше симбол за задолжување, но сега приказната е сосема поинаква
S&P Global Ratings го подигна кредитниот рејтинг на Грција на инвестициска оценка.
Ова е прв ваков рејтин по подолг период од еден од трите големи компании, откако земјата беше потресена од должничката криза пред повеќе од една деценија.
Одлуката од петокот ја става Грција на BBB- со стабилна перспектива, а S&P им се придружи на јапонската Rating and Investment Information Inc, на германската Scope Rating и на Canada DBRS Morningstar во рангирањето и сега веќе не ја сместува грчката нација во „загрозена“ територија. Сите агенции тоа го направија по реизборот на реформистичкиот премиер Киријакос Мицотакис во јуни, пишува Блумберг, а пренесува порталот „Ало.рс“.
Мицотакис вети дека ќе ја задржи својата политика пријателска за бизнисот, додека на пазарите јасно им стави до знаење дека нема да ја компромитира буџетската дисциплина, и покрај дополнителните трошоци во текот на летото поради пожарите. Тој, исто така, вети дека ќе го намали соодносот на долгот на под 140 отсто од производството до 2027 година, од највисокото ниво од 206 отсто во 2020 година.
„Значајната буџетска консолидација го стави фискалниот пат на Грција на значително подобрување“, се вели во соопштението на S&P, додавајќи дека грчката влада можела редовно да ги надминува сопствените буџетски цели, и покрај постепеното зголемување на социјалните трансфери.
Економијата на Грција ќе се прошири за 2,3 отсто во 2023 година и три отсто во 2024 година, покажуваат владините проекции, што е многу подобро од повеќето европски земји. Се додава дека туризмот продолжува да дава голем придонес и оди кон уште една рекордна година.
