Егзекуцијата како во филмовите: Убиениот возел автомобил со македонски таблички!
Филмска егзекуција вечерва на „Улица Ц“ во Приштина ги шокираше околните жители.
Жртвата наводно била застрелана со куршуми од калашников и починала на лице место. Осомничените побегнале и го запалиле автомобилот, додека жртвата била пронајдена раскрвавена во возило со северномакедонски регистарски таблички.
Полицијата ја потврди информацијата дека веќе започнала интензивна истрага за расветлување на случајот.
Наводно се се случило околу 20 часот, кога се слушнале истрели. Иако не се знае што му претходело на ова злосторство, починатиот бил застрелан неколку пати со калашников и како резултат на тоа го загубил животот. За случајот веднаш била известена полицијата, но не успеала да ги фати осомничените.
Заедно со Полицијата на местото на настанот излегла и лекарска екипа која по преглед на витални знаци констатирала смрт на жртвата.
Починатиот бил пронајден раскрвавен во возило со македонски регистарски таблички.
Извори од Обвинителството информираат дека врз основа на проверките кои се направени на граница, лицето Д.Т. ја преминало границата со автомобилот кој бил пронајден на местото каде што се случило убиството на улицата Ц во Приштина.
Иако не е потврдено со никакви средства за идентификација, обвинителството покрена сомнеж дека убиениот е Д.Т.. Сепак, се уште интензивно се работи на потврдување на идентитетот на жртвата погубена како во филмовите.
