ЏЕЈМИ ДИМОН ПРОГНОЗИРА БУРНИ ОБЛАЦИ НАД ЕКОНОМИЈАТА: Директорот на банкарскиот гигант го даде првото интервју по големиот колапс

Директорот на
банкарскиот гигант, JPMorgan Chase, Џејми Димон истакнува дека иако банкарскиот
систем е силен и здрав, неодамнешните превирања во финансискиот систем се „уште
една тежина во рамнотежата“ кон рецесија.

Банкарската криза
предизвикана од неодамнешниот колапс на Silicon Valley Bank, која со себе ја
понесе и Signature Bank, ги зголеми шансите за рецесија во Америка, изјави во првото
интервју по колапсот на Silicon Valley Bank,  извршниот директор на JPMorgan Chase, Џејми
Димон.

– Гледаме дека
луѓето малку го намалуваат кредитирањето и се повлекуваат. Иако
банкарскиот хаос нема нужно да предизвика рецесија, тоа е рецесија – објаснува
Димон и додава дека над економијата висат темни облаци.

Сегашниот режим на заострување на Федералните резерви, плус
повисоката и построга инфлација и ситуацијата во Украина се најголемите ризици
што извршниот директор на JPMorgan ги гледа за економијата.

Но, тој додава дека се уште има надеж кога е во прашање
силата на човечкиот капитал во Америка.

На прашањето дали повеќе банки би можеле да пропаднат оваа
година, Димон дава нејасен одговор, но истакнува дека овие превирања не
наликуваат на финансиската криза од 2008 година.

Сепак, директорот смета дека е во ред некои банки да
пропаднат.

– Распаѓањето е во ред, едноставно не го сакате овој домино
ефект.

Димон предупреди дека регионалните банки и американските
потрошувачи треба да бидат „подготвени за повисоки каматни стапки подолго
време“.

– Не знам дали тоа ќе се случи, но бидете подготвени за таа
плима.

Тој додава дека верува дека Конгресот ќе донесе резолуција за плафонот на долгот во
следните неколку месеци, но дека може да има поголема економска болка пред да
се постигне договор.

Димон кој инаку беше
во деловниот советодавен одбор на поранешниот претседател на САД, Доналд Трамп не мисли дека
обвинението против Трамп и кривичните пријави со кои се соочува поранешниот
претседател оваа недела ќе влијаат на економијата и верува дека поранешниот претседател
направил некои добри економски политики.

– Има политики што ги правел и се добри. Мислам дека
даночната реформа всушност донесе трилиони долари назад во Америка. Црнечката
заедница имаше најниско ниво на невработеност досега во последната година од
неговиот мандат.

ФОТО: EPA