ЌЕ ИМА ЛИ ГОДИНАВА СТАБИЛНО ДОМАШНО ПРОИЗВОДСТВО НА СТРУЈА? Еве што велат надлежните
АД ЕСМ се подготвени претстојната грејната сезона. Ова, како што соопштија од компанијата, е едногласно констатирано на денешниот состанок на генералниот директор Васко Стефанов и директорот на производство од термоелектрани Љубчо Кижевски со стручниот колегиум на РЕК Битола.
На средбата е истакнато дека преземени се сите неопходни чекори, во сите подружници на АД ЕСМ, за да се обезбеди и годинава стабилно производство на домашна електрична енергија.
Најголемиот производствен капацитет на Државните електрани, РЕК Битола, работи со сите три блока на мрежа. Залихите на ископан јаглен во РЕК Битола во моментов изнесуваат околу 450.000 тони, а откриени се доволни количини и во рудниците за континуирано снабдување на термоелектраните.
Согласно потребите на потрошувачи и на универзалниот снабдувач, АД ЕСМ изготви производствениот план кој и оваа грејна сезона треба да гарантира непрекинато снабдување со струја на граѓаните, наведуваат од АД Електрани на Северна Македонија.
