Двајца Холанѓани загинале од удар на гром кај Крањ
Во невремето во Словенија еден човек се удавил, а двајца Холанѓани загинале од удар на гром. Еден Словенец загина во областа Камник, а двајца Холанѓани во планините во околината на Крањ.
Најмалку три лица загинаа во невремето и катастрофалните поплави, објави Словенечката новинска агенција СТА.
Невремето се движи низ источна Словенија, а почната е евакуација на населението во Целје, каде без електрична енергија останаа скоро 12.000 корисници.
Премиерот Роберт Голоб го прекина одморот и, како што објави весникот Дело тој денеска во просториите на Министерството за одбрана ќе се сретне со претставници на Штабот за цивилна одбрана, за утре претпладне е свикан проширен Совет за национална безбедност. Ќе има и владина седница.
Како што објави Одделението за хидролошки прогнози на Агенцијата за животна средина на Словенија, тежиштето на врнежите се преселило над источниот дел од земјата во изминатите неколку часа од басенот Колпа на југ до Корушка и Штаерска на север. На овој простор забрзано се зголемува новото на реките и потоци, особено Мислиња, Дравиња и Пешница Савиња во долниот тек.
Утре е најавено дека и во Македонија ќе има невреме.
