ДУИ ги екипира ограноците, одлуката за лидерската средба ќе се носи утре

Демократската унија за интеграција (ДУИ) денеска ја одржа втората седница на Претседателството на Генералниот совет, под претседателство на лидерот на партијата, Али Ахмети. На состанокот се дебатираше за актуелните политички случувања во земјата, со посебен фокус на претстојната лидерска средба и внатрепартиските реформи.

Една од клучните точки на денешната дискусија беше учеството на ДУИ на најавената средба на политичките лидери. Иако се разгледувале повеќе опции, од партијата информираат дека конечниот став – дали ќе учествуваат или ќе го бојкотираат состанокот – ќе биде донесен утре, на редовната седница на Генералниот совет.

Како дел од процесот за реорганизација на партиските структури, Ахмети ја информираше партијата за новите назначувања на првите луѓе во неколку клучни општини. Ова е трет пакет на именувања на претседатели на ограноци:

Од ДУИ порачуваат дека остануваат посветени на зајакнување на внатрешната организација и на одговорно адресирање на политичките предизвици, со цел одржување на стабилноста во земјата и заштита на интересите на граѓаните.