ДРАМА ВО АА: Прво Таравари го разреши Села, па денес Села го разреши Таравари
Политичка драма се случува во партијата Алијанса за Албанците.
Денеска на четвртиот Когрес на партијата Зијадин Села беше избран за претседател на Алијаса, додека пак од функцијата е разрешен Арбен Таравари.
Оваа одлука следува само два дена откако на вонреден конгрес од страна на претседателот на партијата Арбен Таравари, беше разрешен Зијадин Села, односно укината беше функцијата претседател на Собранието на партијата која до тогаш ја извршуваше самиот Села.
На истиот конгрес Таравари беше реизбран за претседател на партијата.
Хаосот во партијата почна откако Таравари објави дека ќе ја поддржи албанската опозиција на изборите што вчера беше потврдена со потпишување на Декларација, а Села рече дека партијата не е консултирана и дека тие ќе одат на избори самостојно.
