ДРАМА: Авион заврши во замрзната река, патниците наместо на писта излегоа на -40 степени
Руски патнички авион со 34 патници слета на замрзната река на истокот од земјата.
Рускиот патнички авион „Антонов Ан-24“ по грешка слетал на замрзната река наместо на пистата поради грешка на пилотот, пишува „Би-Би-Си“. Авионот слетал на реката Колима во близина на аеродромот Зирјанка, а за среќа нема повредени.
Според првите информации од истрагата, се работи за грешка на пилотот кој наводно мислел дека слетува на пистата. Во авионот имало триесет патници и четворица членови на екипажот.
Летот PI217 полетал од Јакутск рано утринава и патувал за Зирјанка, која е оддалечена околу 1.100 километри. На објавеното видео се гледа авионот на замрзната река во источен Сибир, каде температурата често може да достигне -40 степени Целзиусови.
