Дождот ѝ помогна на Рибакина да обезбеди финале во Рим!

Причина за тоа се прекините поради дождот во италијанската престолнина, но тоа излезе пресудна за триумфот на Рибакина. 

Откако го освои првиот сет со 6-2, нејзината игра наиде на пад во вториот, а Остапенко се издигна и поведе со 4-1. Мечот беше прекинат поради дожд, но по паузата, Рибакина чудесно се врати и триумфира со 6-4.

За шампионката од Вимблдон, ова ќе биде четврто финале од почетокот на 2023 година, по Австралијан опен, Мајами и Индијан Велс. Го освои само последниот од овие три, а ако успее да слави и во финалето, утре против Калинија од Украина, ќе се искачи на четвртото место на најновата ВТА-листа, што ќе претставува и нејзин ранкинг за претстојниот Ролан Гарос.

Иако игра под знамето на Казахстан, Рибакина е родена Русинка, па финалето ќе претставува уште едно руско-украинско соочување, откако Калинина во своето полуфинале ја совлада Вероника Кудерметова, за потоа да изјави дека „донела малку радост за својата земја“.