ДНЕВНИЦА ЧЕТИРИ ИЛЈАДИ ДЕНАРИ БЕЗ ФИКСНО РАБОТНО ВРЕМЕ: Би работеле ли како хигиеничарка за оваа плата во Србија?
Во време кога парите се еден од клучните услови за квалитетен живот, дневницата од 8.000 динари или 4.000 денари, без фиксно работно време повеќе звучи како сон отколку реалност. Но, многу е можно, само оваа работа да „отфрла, а не да привлекува“ работници. Еве колку заработуваат хигиеничарките во соседна Србија.
Како што прво истакна, сумата што ја заработува дневно е сосема задоволителна, додека работното време не е фиксно, што и го олеснува организирањето на приватните обврски.
– Саатницата се движи од 800, 900, па и до 1.000 динари. Зависи дали користам сопствена хемија, или личноста со која чистам сам ја има обезбедено. Исто така, работното време не е фиксно. Често се случува да ги комбинирам обврските со работното време, доколку работодавачот се согласува секако – изјави таа за српски Телеграф.
Таа истакнала дека оваа работа не е нималку лесна, и дека не секој може да го издржи тоа темпо на работа.
– Кога ќе влезете во станот, веднаш започнува работата. Се случува и да работам 12 часа, со минимални паузи. Секако, тогаш и јас заработувам поголема сума на пари, но секако не е лесно. Само оној кој го направил ова може да разбере колку е навистина тешко – додаде таа.
Камерите во станот се честа појава…
– Претежно луѓето каде што чистам немаат камери, излегуваат од станот и се враќаат кога ќе завршам. Се случува и да ме гледаат како работам преку камери и тоа е во ред. Немам што да кријам, дури мислам дека е пожелно, бидејќи така не може да има пријавени „дефекти“, па не мора ни да размислувам за тоа – додаде таа.
Иако споменатата работа многу заработува, а работното време не е фиксно, побарувачката за луѓе кои ќе ја извршуваат е голема. Како што ни рекоа, многу луѓе одбиваат да се занимаваат со оваа работа бидејќи мислат дека другите ќе гледаат поинаку на нив, а не се сигурни што ќе ги чека во станот, ниту кој, бидејќи најчесто чистат со непознати луѓе.
