Динамо и Ристовски убедливи против Астана, Жалгирис го изненади Галатасарај
Стефан Ристовски го одигра целиот меч за Динамо Загреб кој немаше проблеми против Астана и уште по првиот меч може да размислува за следното квалификациско коло.
Во центарот на вниманието беше Иванушец кој постигна хет-трик, еден погодок беше дело на Шпикиќ.
Жалгирис кој со судни маки ја елиминираше Струга, одигра 2-2 на свој терен против Галатасарај кој е голем фаворит во оваа пресметка.
Дејан Илиев беше на клупата на Хелсинки кој со 1-0 беше подобар од Молде.
Панатенаикос со 3-1 славеше на гостувањето кај Днипро, Сервет и Генк одиграа нерешено 1-1.
