ДИК: Поднесени 16 приговори за изборните резултати, најмногу во Шуто Оризари!
Државната изборна комисија (ДИК) до претпладне добила 16 приговори за постапката за гласање, сумирање и утврдување на резултатите од вториот круг на локалните избори.
ДИК ќе го дефинира точниот рок за седницата за одлучување по приговорите по завршувањето на рокот за нивно поднесување (денеска во 16:30 часот).
Според портпаролот Радица Тодоровска Алексовска, ДИК има 72 часа рок да одлучи по приемот на приговорите. Против одлуката, подносителот може да тужи до Управниот суд во рок од 24 часа, а Судот одлучува во рок од 48 часа.”
Рокот од 60 дена за започнување на нова изборна постапка (поради недостиг на цензус за излезност во првиот круг) ќе почне да тече по објавувањето на конечните резултати за општините Гостивар, Врапчиште, Центар Жупа и Маврово.
