ДЕТАЛИ ЗА УЖАСОТ ВО РОТЕРДАМ Полуден убиец прво отворил оган во станот, па продолжил со масакрот во амфитеатарот: Едвај го совладале
Вооружен маж облечен во борбена опрема отвори оган во стан во холандскиот град Ротердам, а потоа упадна во амфитеатарот на медицинскиот центар во близина. На двете места избувнале пожари, но подоцна биле изгаснати. Полицијата потврди дека се ранети две лица. Агенцијата АНП повикувајќи се на локалните власти на местото на настанот објави дека е повредено и трето лице.
– Два инциденти со пукање во Ротердам резултираа со смртни случаи. Најпрво ќе ги известиме семејството и роднините, а подоцна ќе објасниме повеќе – се вели во соопштението на градската полиција, пренесува Франс 24.
Елитните полициски единици се упатиле кон болница во еден холандски град во потрага по осомничениот кој бил вооружен со пиштол, соопштија властите.
Мотивот за нападот не е познат
Осомничениот има 32 години, а мотивот за нападот не е познат, јави локалната новинска агенција АНП, повикувајќи се на полицијата. Тој е осомничен дека ги извршил двете престрелки, а друг пукач нема, соопшти полицијата.
Сликите од местото на настанот покажуваат луѓе кои ја напуштаат болницата, вклучувајќи лекари и пациенти, додека полицијата во панцири се движи. Полициски хеликоптери зујат над главата. Лекарите во бели мантили ги носеа пациентите на носилки и инвалидски колички. Полицијата претходно соопшти дека осомничениот носел облека во „борбен стил“, бил висок, имал црна коса и носел ранец.
Висок, црномурест и носи ранец
– Прво имаше пукање на четврти кат. Беа испукани четири или пет истрели. Потоа беше фрлен молотов коктел во образовниот центар – изјави студент по медицина, цитиран од RTL News кој не го кажа своето име.
