Десничарската опозиција победи на изборите во Гренланд

Опозициската Демократска партија, која припаѓа на десниот центар, победи на општите избори во Гренланд, по кампањата во која доминираа прашањата за независност и го води американскиот претседател Доналд Трамп да ја преземе таа автономна територија на Данска, јавува денеска Би-би-Си.

Демократите, кои се залагаат за постепено одвојување од Данска, освоија околу 30 отсто од гласовите.

На Гренланд му треба да останеме заедно во време на голем интерес однадвор, изјави лидерот на партијата Јенс Фредерик Нилсен.

Потребно е единство, па ќе преговараме со сите, додаде 33-годишниот лидер на Демократската партија, за која тамошните медиуми посочуваат дека ќе треба да преговара и со други партии за да се коалицира.

Гренланд, најголемиот остров во светот, меѓу Арктичкиот и Атлантскиот океан, сам управува со внатрешните работи, но одлуките за надворешната и одбранбената политика се носат во Копенхаген.

Демократската партија, чија поддршка се зголеми за повеќе од 20 отсто во однос на 2021 година, се смета за умерена политичка организација кога станува збор за независноста.

Партијата Наларак, исто така во опозиција, го освои второто место на анкетите со речиси 25 отсто од гласовите и се залага за итно започнување на процесот за независност и воспоставување поблиски врски со САД.

Владејачките партии Инуит Атакатигит (ИА) и Сиумут ги освоија третата и четвртата позиција.

Од околу 57.000 жители на Гренланд, 44.000 од нив имаа право на глас за избор на 31 пратеник и локални власти.