ДЕНЕС ПОЧНУВА ГРАДБАТА НА ЛОГИСТИЧКИОТ И ДИСТРИБУТИВЕН ЦЕНТАР НА „ЛИДЛ“: Во индустриската зона „Речица“
Во индустриската зона „Речица“ кај Куманово денеска ќе биде претставена најголемата инвестиција на меѓународниот малопродажен синџир „Лидл“ во Северна Македонија.
Станува збор за подготвителни активности за изградба на логистички и диструбутивен центар на „Лидл“. Според најавите на компанијата, логистичкиот и диструбутивен центар ќе се простира на околу 200.000 метри квадратни, инвестицијата е вредна околу 80 милиони евра, а се планирани повеќе од 150 вработувања.
На настанот, покрај претставници на „Лидл“, ќе присуствуваат и премиерот Димитар Ковачевски, вицепремиерот Фатмир Битиќи, германската амбасадорка Петра Дрекслер и градоначалникот на Куманово Максим Димитриевски.
