Денес облачно, температурите до 9 степени – од утре промена на времето
Умерено до значително облачно со појава на локален слаб снег на планините најпрвин на северот, а потоа слаб снег ќе провејува понекаде претежно во западните планински делови. Преку денот ќе дува и умерен до засилен северен ветер најизразен вдолж Повардарието. Минималната температура ќе биде во интервал од -9 до -2, а максималната ќе достигне од 1 до 9 степени.
Во Скопје умерено до значително облачно со слаб до умерен ветер од северен правец. На повисоките делови од котлината ќе има услови за поjава на слаб снег. Минималната температура ќе се спушти до -5, а максималната ќе достигне до 5 степени.
Од понеделник следува период на стабилно време со не многу ниски утринските температури, а дневните до средината на неделата ќе бидат во постепен пораст. Ќе дува претежно северен ветер кој во вторник и особено во Повардарието ќе засилува.
