Дебаклот е комплетиран: Заврши европската одисеја за Јунајтед (ВИДЕО)
Манчестер Јунајтед на домашен терен загуби од Баерн со 0-1 и го освои последното место во својата група со што го заврши својот настап на европска сцена за оваа сезона. Стрелец на единствениот гол беше Коман во 71. минута, а Јунајтед во ниеден момент не беше ни блиску до победа на овој меч.
Заедно со Баерн, во осминафиналето оди и Копенхаген кој пред своите навивачи го победи Галатасарај со 1-0, во директниот дуел за второто место во групата.
Исклучително интересно беше во групата Д каде имаше две пресметки што директно одлучуваа за изгледот на табелата. Од претходното коло беше познато дека Сосиедад и Интер одат во осминафиналето, но меѓу себе, овие две екипи требаше да одлучат кој ќе го освои првото место. Мечот заврши без голови, на задоволство на шпанскиот тим кој поради победата против Интер на домашен терен ја задржа челната позиција. Бенфика оди во Лигата Европа по победата со 3-1 на гости кај Салцбург. До 92. минута, беше 2-1 за португалскиот тим, резултат кој му одговараше на домаќинот поради победата со 2-0 во Лисабон, но Кабрал во судиското продолжение постигна гол и ѝ го продолжи на Бенфика настапот на европска сцена.
Реал Мадрид е првиот тим кој ја заврши групната фаза оваа сезона со максимален број бодови. Утре може да му се придружи Манчестер Сити ако успее да ја победи Црвена Звезда во Белград.
РЕЗУЛТАТИ
ГРУПА А
Манчестер Ј. – Баерн 0-1
Копенхаген – Галатасарај 1-0
ТАБЕЛА: Баерн 16 бода, Копенхаген 8, Галатасарај 5, Манчестер Ј. 4
ГРУПА Б
ПСВ – Арсенал 1-1
Ленс – Севиља 1-1
ТАБЕЛА: Арсенал 13 бода, ПСВ 9, Ленс 8, Севиља 2
ГРУПА Ц
Унион Берлин – Реал 2-3
Наполи – Брага 2-0
ТАБЕЛА: Реал 18 бода, Наполи 10, Брага 4, Унион Берлин 2
ГРУПА Д
Интер – Сосиедад 0-0
Салцбург – Бенфика 1-3
ТАБЕЛА: Сосиедад 12 бода, Интер 12, Бенфика 4, Салцбург 4
