Дали рускиот буџет е во криза?

Дефицитот во буџетот на Русија само за првиот квартал изнесува 30 милијарди долари.

Буџетот на државата во периодот јануари-март, според прелиминарните податоци на Министерството за финансии, бил извршен со дефицит од 2,4 билиони рубли (30 милијарди долари). Буџетските приходи во периодот јануари-март 2023 година изнесуваат 5,677 билиони рубљи, што е за 21 отсто пониско од приходите во првиот квартал од 2022 година. Расходите во првиот квартал се зголемени за 34 отсто во споредба со истиот период лани – до 8,077 билиони рубли. Овие показатели првенствено се поврзани со намалување на приходите од нафта и гас поради намалувањето на квотите за нафта од Урал и намалувањето на извозот на гас. Приходите од нафта и гас во првиот квартал се намалени за 45 отсто во однос на истиот период лани, на 1,635 билиони рубљи.

Руската рубља пред два дена го доживеа најголемиот дневен пад оваа година и ја забележа најниската вредност во однос на доларот и еврото од април минатата година. 

Вредноста на руската валута се намали за повеќе од два отсто во однос на американскиот долар и се купуваше за 83,50 во однос на доларот и 91,32 во однос на еврото. Откако Русија ја почна војната во Украина лани во февруари, валутата имаше повеќе падови.