Да не беше ВАР во Премиерлигата, Ливерпул ќе беше на шест бода до испаѓање! (ФОТО)
Ако навивачите на Ливерпул имаат зошто да лелекаат сега, кога клубот се наоѓа на деветтото место, тешко нив во оваа хипотетичка алтернативна реалност, која покажува дека нивните миленици се помогнати од ВАР. Според табелата на ЕСПН, Ливерпул би бил на 11. место во Англија да немаше ВАР, со 23 бода, само шест повеќе од зоната за испаѓање.
На оваа хипотетичка табела и понатаму лидер е Арсенал и втор Манчестер сити, а голем добитник е Тотнем, кој би напредувал до третото место. Главно, нема драматични поместувања и најголеми се на оние на Лидс и на Вест Хем, кои би напреднале по три позиции.
Притоа, од ЕСПН инфомрираат за начинот на кој ја пресметале оваа хипотетичка табела. Земени се предвид само првите ситуации во секој натпревар кога ВАР променил одлука, бидејќи оние кои следат, не би се ни случиле.
