ЦУК: 1 819 повици на 112, во последното деноноќие, а утрово нема активен пожар на отворено – сите 10 пријавени биле изгаснати
Центарот за управување со кризи (ЦУК) информира дека утрово нема активен пожар на отворено.
Имало вкупно 10 пожари на отворено во државата, пожарникарите сите ги изгаснале, истовремено гаснејќи и други пожари во населените места во последното деноноќие.
Пожарникарите од Територијалната противпожарна единица (ТППЕ) Прилеп имале четири (4) интервенции за гаснење пожари на отворено, а по една таква интервенција имале пожарникарите од ТППЕ Струмица, ТППЕ Радовиш, ТППЕ Куманово, РЦУК – Тетово и од Велес.
Инаку, ЦУК информира дека во последното деноноќие имало вкупно 1 819 повици на Единствениот број за итни случаи 112, од коишто „реални“ повици биле 39,15 %, а 60,85% биле за други потреби на граѓаните што не биле итни. Кон Полиција биле упатени 62,93%, кон Итната медицинска помош 30,17%, а кон пожарникарите 6,03% од реалните повици кон 112 во ЦУК. Збирот повици што биле за комбинирано решавање од „реалните“ повици во ЦУК, 0,87% со другите 60,85% што се именувани како „неитни повици“, биле вкупно 1 109 на број и биле предмет на примање, селективна обработка во ЦУК, а и на директно координирање за нивно решавање со други институции од Системот за управување со кризи, согласно природата на пријавените итни случаи.
