ЧОВЕК ПОЧИНА НА ИЗБИРАЧКОТО МЕСТО ВО РИЈЕКА: Трагедија на претседателските избори во Хрватска

Постар човек почина денеска на избирачко место во Риека во вториот круг од
претседателските избори, потврди Државната изборна комисија (ДИК), наведувајќи
дека избирачкото место е привремено затворено.

Човекот починал откако гласал, изјави членот на ДИК и
портпарол Славен Хојски, прецизирајќи дека се работи за гласачко место
Хрватскиот дом на Свети Кузам. Избирачкото место накратко беше затворено,
чекајќи надлежните служби да си ја завршат работата, односно да го пренесат
телото на починатиот, по што повторно ќе може да се гласа.

ДИК им се заблагодарува на трпението на гласачите кои
припаѓаат на тоа избирачко место во Ријека и најавува дека денеска ќе може да гласаат сите што сакаат да
гласаат.

Ќе може да гласаат сите што ќе се најдат на тоа избирачко
место, без разлика колку ќе трае процедурата за услужување, велат од ДИК.
Набљудувачите на хрватските избори не се сеќаваат на сличен инцидент што се
случил на ниту едно од изборите, односно на гласање да почине човек на избирачкото место.

fфото: EPA-EFE/ANTONIO BAT