Центар експресно го одби барањето на Арсовска за враќање на Ќосето
Општина Центар експресно го одби барањето на градоначалничката на Скопје, Данела Арсовска за враќање на споменикот посветен на Андон Лазов – Ќосето со кама в рака, познат во историјата како ликвидатор на ВМРО, кој си го убил и братот, пред комплексот судови во Скопје.
Спомен-обележјето беше отстрането во февруари 2018 година од тогашниот градоначалник Петре Шилегов со образложение дека нема дозвола.
Шилегов тогаш рече дека градежниот инспекторат на општина Центар ја проверил фактичката состојба, при што утврдил дека инвеститорот, Град Скопје, нема решение за поставувањето на овој споменик.
На местото на споменикот беше засадено дрво гинко.
