„ЦЕЛИОТ СВЕТ НЕ КРАДЕ!“ Трамп, бесен од потегот на ЕУ, се заканува со ТЕШКА ОДМАЗДА
Американскиот претседател Доналд Трамп денеска изјави дека целиот свет ги ограбува Соединетите Американски Држави (САД), реагирајќи на воведувањето царини од 50 отсто за американското виски од страна на Европската унија (ЕУ).
Трамп повторно ја критикуваше актуелната трговска политика на САД и рече дека земјата е во загуба во глобалните трговски односи.
Тој беше огорчен затоа што ЕУ воведе царини од 50 проценти за вискито. Американскиот претседател рече дека ЕУ ги злоупотребува даноците и царините на „најнепријателски начин“ и додаде дека тие се „создадени со единствена цел да ги искористат САД“, поради што воведе „гадна царина“.
Во објава на социјалните мрежи Трамп предупреди дека ќе воведе царини за европскиот алкохол доколку Европската унија не го укине данокот за американското виски, пренесува „Блумберг“.
Европската комисија соопшти дека ќе ја прекине сегашната суспензија на царините за американските производи на 1 април и дека нејзините мерки целосно ќе стапат на сила до 13 април.
Властите во Брисел го оданочија американското виски за да се одмаздат на царините на Трамп за челик и алуминиум кои стапија на сила во средата.
