Целески: Ваков срам никогаш не сум доживеал – Охрид ќе го тужи ФФМ!
Тој истовремено најави и тужба против потписниците на оваа одлука и против ФФМ за загубена штета со оглед на огромниот интерес кој владееше за овој натпревар во Охрид и во Струга. Неофицијално, причина за ова е желбата да се сочува стадионот „Билјанини извори“ за мечот на Струга ТЛ против Брандебеик од плејофот во Конференциската лига в четврток, но охриѓани се чудат зошто е дозволен утрешниот меч на истиот терен помеѓу Воска и Вардар, а нивниот морало да биде пролонгиран.
„Неофицијално натпреварот е одложен поради потреба да се чува теренот за Струга ТЛ, но шегата да е поголема поголема Воска в недела игра меч против Вардар во Охрид на ИСТИОТ СТАДИОН! Е сега да објаснат овие агрономи како ние ќе го оштетиме теренот, а Воска и Вардар ќе ја “галат” тревата. Вакво ЛУДИЛО фудбалско не сме доживеале одамна. Наместо да ни кажат со време да го организираме натпреварот на друго место во друго време ние бевме потценати како клуб од Втора лига. ГФК Охрид Лихнидос ги има исплатено сите свои обврски према ФФМ и сите институции во државата. За утрешниот натпревар се организирани карантин, исхрана, навивачки спектакл… Преку 10 илјади евра трошок. Луѓе пристигнати од странство го продолжија својот престој за да бидат присутни на натпреварот и две менаџерски групи (Унгарија и Словенија) се веќе присутни во градот за да го следат натпреварот. По оваа лакрдија, најавувам оставка, а ќе покренам тужба за загубена штета во име на ГФК Охрид против луѓето потписници на оваа одлука и против ФФМ“, се вели во реакцијата на првиот човек на „рибарите“.
Целески кариерата ја почна токму во екипата на Охрид, по што бранеше за Македонија ЃП, Кајсериспор, Нирегихаза и Караорман, а за македонската репрезентација има 22 настапи.
