БРНАБИЌ СО ЕКСПЕРТСКА ПОДДРШКА ОД ТЕТКА: „Литиумот е безопасен, знам малку хемија“

Претседателката на Собранието на Србија, Ана Брнабиќ уште
еднаш се обиде да ја смири јавноста и да ја убеди дека нема ништо опасно во
отворањето на рудник за литиум,
бидејќи, како што наведуваат српските медиуми, така и кажала нејзината
тетка, физикохемичар, а таа самата го знае периодниот систем на елементите…

„Јас лично не сум загрижена. За среќа, имам луѓе во моето семејство кои навистина знаат многу
за тоа. Мојата сопствена тетка, сестрата на мојот покоен татко е физички
хемичар. Таа цел живот работеше во таа професија, работеше на Институтот, па имам
некој кому бескрајно му верувам, односно некој што ми е најблизок на светот и
некој кој може да ми објасни од експертска перспектива“, рече Брнабиќ и
продолжи:

„Истовремено одев во гимназија, природно-математичка. Да бидам целосно искрена, не бев многу добра по
хемија, но разбирам малку од таа
наука. Знам што е периодниот систем на елементи и знам како се
распоредени елементите во таа периодична табела. Знам каде е литиумот, знам
каде се некои други елементи. А знам колку е опасен литиумот, односно не е. И
колку се опасни некои други елементи, како што се олово или цинк или кадмиум. И
знам што правевме во поранешна СФРЈ, а што правиме денес. Знам што правиме
денес во Србија безбедно, со технолошки процеси стари со децении, тестирани и
колку се сложени во споредба со она за што зборуваме. Така што не сум загрижена“, изјави Брнабиќ.

ФОТО: EPA-EFE/Olivier Matthys