„Била жива, ја најдовме на кревет свртена на страна, никој не ѝ дал кислород“
Трагедијата што ја потресе Кочани продолжува да ја исполнува јавноста со неизмерна болка и тага.
Мајката на една од жртвите во пожарот во дискотеката Пулс, која го одзеде животот на многу млади луѓе, денес со солзи во очите и неизречена болка зборуваше за својата ќерка.
„Да, беше оставена на Интерно одделение во кец, полицијата не не пуштија да влеземе. После отиде мажот ми, и он ја најде во кецот, покриена со кебе, легната на перница, на страна завртена. Сакала да слегне од кревет, и со ногата надоле падната. Не и е пружено, не и е дадено кислород. Така ја најдовме“, вели таа.
По констатирање на новинар дека имало информации дека немало доволно кислород, мајката додава „Да, па немаше кислород во болницата, којзнае и дали им давале“.
По ова се вклучуваат и други мајки со своите трагични сведоштва од кои едната вели дека нејзиниот син починал откако паднал од кревет во болница, додека пак никаде немал изгореници
