Без трага исчезна кинески милијардер, акциите во неговата банка паднаа за 50 отсто
Еден од најистакнатите кинески инвестициски банкари, Фан Бао, извршен директор на инвестициската банка China Renaissance Holdings е недостапен веќе неколку дена. Неговата компанија го пријавила како исчезнат и сега е во тек истрага.
Бао беше водечки бизнис брокер во Кина, а неговите клиенти беа врвни технолошки компании. По објавувањето на неговото исчезнување, акциите на China Renaissance Holdings ја загубија својата вредност и паднаа за 50 отсто.
Компанијата, објавија медиумите, не прецизираше колку долго не била во контакт со Фан, а кинескиот деловен весник Caixin цитира извори кои велат дека персоналот не можел да контактира со него веќе два дена. Многумина се загрижени дека ова е пресметка меѓу кинеските власти и деловните и технолошките лидери, бидејќи Бао ја основа China Renaissance Holdings во 2005 година. Оттогаш, компанијата прерасна во една од водечките финансиски институции во Кина – правејќи деловни зделки и спојувања со неколку технолошки компании во земјата, според Би-Би-Си.
