Бектеши одби да одговори дали ќе се плаќаат пенали за Бехтел и Енка за работни часови

Министерот за економија Кршеник Бејтеши денеска  одби да одговори на новинарско прашање дали е точна информацијата дека во договорот со конзорциумот Бехтел и Енка се предвиодено огромни казнени пенали доколку не им биде овозможено работниците што ќе бидат ангажирани за изградба на автопатските делници не работат до 60 часа неделно.

Александар Николоски од ВМРО-ДПМНЕ во Тема на денот во централниот дневник на ТВ Сител  откри ддека доколку законски не се измени работното време односно од 40 часа неделно не се зголеми на 60 часа, тогаш државата ќе плаќа пенали од три вида кон Бехтел, еднократно 53 милиони евра, секој месец 1 милион 265 илјади евра на веќе постојни трошоци кои што треба да се платат во договорот и дополнителни 900 илјади евра.

– Во делот на Бехтел и Енка одговорни се Министерството за транспорт и врски и Јавното претпријатие за државни патишта. Значи, ние моментално како Министерство за економија се занимаваме со менаџирање на енергетската криза и во делот на инфлацијата, рече Бектеши.

Засега никој од Владата нема излезено во јавноста кој би ги потврдил или демантирал овие информации. Вчера медиуми го објавија тој дел од договорот со Бехтел и Енка кој засега е недостапен за јавноста.