Арсенков: Двајца пациенти примивме со сериозни прострелни рани во пределог на стомакот и градниот кош – болницата ја обезбедува полиција

Полициски службеници се наоѓаат во дворот на болницата „Св. Наум Охридски“ во центарот на Скопје, по попладневнот пукање во трговскиот центар „Ист Гејт“.

„Примени се двајца пациенти со прострелни рани, во пределот на стомакот и градниот кош на различни позиции, едниот веднаш по приемот и првичниот преглед е препратен на Клиниката за торакална хирургија, а со другиот пациент веднаш е влезено во операциона сала“, вели директорот на болницата Љубен Арсенков во изјава за ТВ21.

Директорот додава дека станува збор за сериозни повреди, но во моментов не може да прогнозира каков би бил исходот од операцијата.

Според информации на 4NEWS.mk во телото на Раде Трајковски-Штекли има шест куршуми.

Во август во истиот трговски центар беше пукано во Штекли и според наши информации тоа било добро подготвена шема, бидејќи се знаело во точно време кога метата ќе се движи кон неговиот блиндиран автомобил.