АРГЕНТИНА СЕ ПРЕМИСЛИ: Не сака да биде дел од БРИКС
Јужноамериканската држава Аргентина нема да биде дел од БРИКС.
Новата министерка за надворешни работи Дијана Мондино, денеска изјави дека нејзината земја нема да се приклучи кон групата земји во развој БРИКС, иако претходната влада тоа помпезно го најави.
Аргентина беше една од шесте земји кои беа поканети да станат нови членки на блокот на
годишниот самит во Јоханесбург во август.
БРИКС во моментов го сочинуваат Бразил, Русија, Индија, Кина и Јужна Африка. Медиумите потсетуваат дека годинашната покана за членство во БРИКС, аргентинскиот
претседател Алберто Фернандез помпезно ја прослави. Рече дека станува збор за „одлична можност“.
„Ги отвораме можностите за приклучување кон нови пазари и консолидирање на постојните,
како и зголемување на инвестициите, отворање работни места и зголемување на увозот“, рече
тогаш Фернандез.
Меѓутоа, Политико истакнува дека претседателот Милај, кој беше избран во ноември, вети дека
драматично ќе ја промени надворешната политика на Аргентина, вклучувајќи ги и нејзините
односи со двата главни трговски партнери и основачите на БРИКС, Бразил и Кина. Милај го нарече бразилскиот лидер Луис Инасио Лула да Силва „лут
комунист“, а остро ја критикуваше и Кина. Воедно, се закани дека ќе ги прекине врските.
