Антипутинските сили подготвуваат напад врз Русија: Следува изненадување!
Легијата „Слобода на Русија“ планира нов прекуграничен напад врз Русија со цел да го искористи хаосот во Кремљ по бунтот на Вагнер и водачот на оваа платеничка група, Евгениј Пригожин.
„Ќе има уште едно изненадување во следниот месец“, рече Цезар, портпарол на паравоената група „Слобода на Русија“, во интервју за „Обсервер“ во Киев. „Тоа ќе биде наша трета операција. После тоа доаѓа четвртиот, па петтиот. Имаме амбициозни планови. Сакаме да ја ослободиме целата наша територија“, додаде тој.
Оваа легија, која брои неколку стотици руски воени доброволци, изврши напади во мај и почетокот на јуни. Ги окупираше пограничните села во близина на рускиот град Белгород и зароби 10 војници во конфликт со руската армија.
Во таа прилика загуби два члена. Цезар го опиша неодамнешниот упад во Русија како „локална рација и извидничка операција“.
Овој поранешен фитнес тренер од Сочи и Санкт Петербург, со вистинско име Максимилијан Андроников, се преселил во Украина кога започнала целосната инвазија на Москва. Руските државни медиуми го нарекуваат 49-годишниот Цезар екстремист и нацист. Обвинителите од оваа земја го товарат за кривични дела, вклучително и предавство.
Во интервју за Обсервер, Цезар призна дека неговата паравоена единица може да функционира само со украинска воена помош, но рече дека тие „донесоа свои, независни одлуки“ на руска територија. Оклопните возила „Слобода на Русија“ главно се запленети од руските залихи. Тој додаде дека извештаите на Кремљ за големи загуби меѓу неговите герилци се смешни и претерани. „Тие ги облекоа мртвите тела во украински униформи и ги ставија на телевизија. Нашите изгледаат поинаку. Сето тоа беше глупава лага“, изјави тој.
Имаше обвинувања дека оваа легија, како и рускиот волонтерски корпус, имаат врски со екстремно десничарски организации. Цезар претходно беше член на Руското империјално движење (РИМ), ултранационалистичка група која јавно се спротивставува на Путин.
Тој им се восхитува на Черчил и Тачер
Во изјавата за Обсервер, Цезар се нарече себеси „уставен монархист“. Тој рече дека им се восхитува на Винстон Черчил и Маргарет Тачер и нагласи дека меѓу борците на легијата има луѓе со леви и десни ставови, како и разочарани поддржувачи на Алексеј Навални, главниот руски опозициски лидер, кој сега е во затвор.
„Ние сме прототип на идното руско општество. Има различни перспективи“, изјави Цезар. Легијата „се бори и умира“ за иднината на Украина, како и за иднината на Русија, додаде тој.
Тоа е заедничка борба, заедничка трагедија“, посочи Цезар.
Според него, востанието на Пригожин го ослабе Путин. Тој верува дека водачот на платениците Вагнер првично имал намера да го фати и собори рускиот министер за одбрана Сергеј Шојгу и врховниот командант Валериј Герасимов минатиот месец, кога започна вооружен бунт. ФСБ дознала за намерата на Пригожин и ги преселила високите руски воени функционери од Ростов-на-Дон, каде што се наоѓа воената команда на јужниот округ на земјата. Откако го освоил јужниот град без да наиде на отпор, Пригожин „импровизирал“ и испратил оклопна колона кон Москва, се сеќава Цезар.
Во моментов не се знае каде се наоѓа Пригожин. Како дел од договорот, тој требаше да се пресели во Белорусија, заедно со борците на Вагнер кои одбија да потпишат договори со руското Министерство за одбрана. Во четвртокот, белорускиот претседател Александар Лукашенко рече дека Пригожин бил во Санкт Петербург, каде што официјални лица извршиле рација во неговиот дом. Откриле оружје, пари, златни прачки, перики и лажни пасоши.
Пригожин го „држи“ во рака Путин?
Цезар шпекулира дека Пригожин досега ја избегнал казната бидејќи поседува компромитирачки материјал за Путин. „Не го почитувам Пригожин. Тој и Путин имаат исти вредности. Пригожин е похаризматичен и привлекува ултрапатриоти кои сакаат да се борат до крај. Сметаат дека поостри методи ќе им донесат победа. Тоа не е реално“, заклучи членот на „Слобода на Русија“.
Според неговото мислење, режимот на Путин ќе пропадне до крајот на 2024 година. Распуштањето на Вагнер ги зголемува изгледите на Украина на бојното поле, рече тој. „Вагнер беше најкомпетентната руска воена единица. Се борев со нив во Бахмут. За малку ќе успеале да го освојат градот. Нивното излегување (од бојното поле) го наруши моралот на руската армија. Сигурен сум дека украинската контраофанзива ќе успее 100 отсто“, изјави Цезар.
На крајот, тој рече дека руските доброволци, кои се борат на страната на Украина, се „најдобриот, најхрабриот и најпаметниот дел од Русија“.
