Јаневска: Учениците ќе имаат општествено корисна работа, може да си го исчистат и средат дворот училишен, да читаат поезија во старски дом
Новата предлог концепција за реформи на гимназиското образование е на јавна дискусија, а министерката за образование во интервју за „Гласот на Америка“ вели дека се воведува и општествено корисна работа за учениците, која ќе треба да ја организираат училиштата.
Поради намалувањето на бројот на ученици низ Македонија досега затворени се 50 училишта.
Министерката најавува дека до крајот на февруари ќе има колективен договор, а од март наставниците ќе добијат покачена плата за 7%.
„Можат да си го исчистат и средат дворот училишен, клупи да изработат, да постават зеленило, да аранжираат, може да отидат во старски дом да читаат на возрасните лица во старскиот дом. Може да отидат во болница, па да помогнат да им читаат на децата кои се во болница, нешто да помогнат да ги нахранат, да се соочат со реалниот живот кој вообичаено нашите млади во моментов го немаат“, вели Јаневска.
