Амазон претстави робот со чувство за допир
Компанијата го претстави Вулкан на настан во Германија.
Вулкан
Во последните десет години Amazon во своите магацини воведе повеќе од 750.000 роботи, а сега е претставен и првиот робот со „чувство за допир“ – Вулкан. Тоа е дел од серијата нови роботи прикажани на настанот „Да ја дадеме иднината“ во Германија.
Вулкан користи сензори за повратни информации за да почувствува колку сила користи кога ракува со предмети, за да не ги оштети. „Досега, кога индустриски робот ќе наиде на пречка, или ќе застане или ќе помине низ неа. Тие не ни знаеја дека удриле нешто“, вели Арон Парнес од Amazon. „Вулкан е чекор напред. Тој не само што го гледа светот туку и го чувствува“.
Роботот користи вештачка интелигенција обучена на физички податоци од допир и сила. Може да препознава различни предмети, да процени како да ги премести и да им најде место во магацинот. Веќе има работено на илјадници задачи, вклучувајќи ракување со електроника и чорапи. Системот може да учи од грешките и да стане попаметен со текот на времето.
