„Али Ахмети не го цените доволно, бог да го благослови“, рече внукот кој ја купи „Соравија“
Внукот на Али Ахмети кој стана популарен во јавноста минатата недела со купувањето на трговскиот центар „Соравија“, денеска се појави пред медиумите. Не откри колку чини зделка, но откри дека ќе поседува 39% од сопственоста.
„Не вложив ниту денар во купувањето на Соравија. Долгот на компанијата е 20 милиони евра. Компанијата ПЕ-ВЛА-КУ со претставник Владимир Пјетерѓокај доби кредитна линија од 6 милиони евра во Албанија. Овој долг го презедовме затоа што имаме проект за развој“, рече Ахмети.
За Али Ахмети лидерот на ДУИ вели дека државата и граѓаните не го ценат многу,
„Ахмети и помогна на оваа држава. Немаше да ја имаме Македонија денес ако го следевме Љубчо Георгиевски да ја дели државата. Али Ахмети не го потпиша тоа и вие не го цените доволно. Не сум тука да коментирам политички изјави. Горд сум да го имам за вујко, но тој нема ништо со мојот бизнис. Нула. Ова што го прават медиумите сега, прави штета на мојата мрежа на соработници. Луѓе од Америка ме прашуваат што ти се случува со македонските медиуми, ти правиш се’ по прописи“, рече Дрин Ахмети, додавајќи дека да се случело тоа во САД, со медиумите би се објасниле на суд.
Али Ахмети ми е вујко и Бог да го благослови, тој ми е мотивација во мојот живот, рече неговиот внук Дрин Ахмети на прес-конференцијата за трговскиот центар „Соравија“, а прашан дали лидерот на ДУИ имал влијание.
