„АКО ЕУ НЕ ЈА УКИНЕ ТАРИФАТА ЗА ВИСКИТО, ЌЕ СЛЕДИ ЦАРИНА ОД 200 ОТСТО ЗА ВИНОТO“: Продолжува царинската војна меѓу САД и Европа
Американскиот претседател Доналд Трамп изјави денеска дека ќе воведе царина од 200 отсто
за сите вина и други алкохолни производи кои доаѓаат од земјите на ЕУ, доколку
Унијата не ги отстрани тарифите за виски, пренесува Ројтерс.
„Европската унија, една од најнепријателските и
најзлоупотребливите даночни и царински власти во светот, формирана исклучиво за
да ги искористува Соединетите Држави, штотуку воведе непријатна царина од 50
отсто за вискито“, напиша Трамп во објавата на платформата „Truth Social“.
„Доколку оваа тарифа не биде веднаш отстранета, САД наскоро
ќе воведат тарифа од 200 отсто за сите ВИНА, шампањ и алкохолни производи кои
доаѓаат од Франција и од другите земји што ги претставува ЕУ. Ова ќе биде
одлично за индустријата за вино и шампањ во САД“.
Оваа закана од Трамп доаѓа како одговор на неодамнешната
одлука на ЕУ да воведе царина од 50 отсто за американското виски, која стапува
на сила на 1 април 2025 година. Оваа одлука на ЕУ е дел од одмаздата за
неодамна воведените царини на Трамп за европскиот челик и алуминиум.
Заканата на Трамп да воведе царина од 200 отсто за
европските алкохолни производи значително ќе ги ескалира трговските тензии меѓу
САД и ЕУ. Доколку оваа закана се оствари, може да има сериозни последици за
европските производители на вино и други алкохолни пијалоци, како и за
американските увозници и потрошувачи.
фото: EPA-EFE/BONNIE CASH / POOL
