Абдуш Демири не го исполнува условот за ДИК, Зендели реагираше: Нема да ви помине, зошто си играте со законот?!
Денеска на Собраниската Комисија за прашања на избори и именувања започна седницата за утврдување листа на пријавени кандидати по Одлуката за огласување на избор на член на Државната изборна комисија (ДИК).
Пријавени беа: дипломираниот Беат Даути, Абдуш Демири, Роберт Трајковски и Зулфи Адили.
Претседателката на Комисијата, Марија Георѓиевска порача дека кандидатите Абдуш Демири и Роберт Трајковски не ги исполнуваат условите поради некомплетна документација, односно за Демири (кандидат на Европски сојуз за промени) таа додаде дека бил на функција генерален секретар на партија.
На ова бурно реагираше Фадиљ Зендели, кој што удираше на масата, демонстративно стана и побара право на глас.
„Ова што го правите е нечуено и нема да ви помине, зошто ви се ваквите игри?! Нема да ви помине, не ми е јасно зошто играте со законот, со изборните. Зошто играте по игрите на ДУИ, играте со државна изборна комисија имаме избори се запрашавтр ли каква порака испраќање?!. Јас лично се консултирав со сите пред да ги доставиме документите, а по консултација документите се доставени во архива не знам како може олку ниско да играте“, рече Зендели.
На ова пак преседателката покажувајќи ја доставената биографија рече дека кандидатот сам посочил дека во моментот на подготовката на биографијата ја извршува функцијата, по што Зендели додаде дека оставката на кандидатот била доставена и архивирана уште пред објавувањето на огласот.
