АА за фотографијата на Мицкоски со Јанкуловска: Се гледа вистинското лице, со постот го легализираат и рехабилитираат политичкиот и институционалниот криминал како политичка жртва

Алијанса за Албанците денеска реагираше на фотографијата која ја објави лидерот на ВМРО-ДПМНЕ, Христијан Мицкоски со екс министерката за внатрешни работи Гордана Јанкуловска.

„Денес, повеќе од кога било, се гледа вистинското лице на Мицковски и неговите политички партнери. Средбата и објавувањето на фотографијата со Гордана Јанкуловска го легализираат и рехабилитираат политичкиот и институционалниот криминал како политичка жртва. Алијанса за Албанците најостро го осудува обидот на Христјан Мицковски и ДПМНЕ за амнестија и рехабилитација на криминалци кои во моментов издржуваат затворски казни.

Фактот што ВМРО никогаш не најде сила да се извини за мрачното минато и да се огради од тој период, покажува дека и нивната иднина останува криминал и мрак, а во овие регресивни акции партнери се и некои мизерни Албанци.

Јавно ги прашуваме Мицкоски и опозицијата, дали оваа слика значи дека планирате враќање во политиката на сите криминалци осудени со правосилни пресуди за криминал и злоупотреба на власта во минатото? Дали ова е причината за спротивставување и блокирање на европската иднина на земјата, која ќе донесе и правда и праведна борба против криминалот и корупцијата?“, велат од Алијанса.