Ја турнал оградата и почнал да гради кај Бит пазар паркинг оти политичарите лажеле
Одбраната денеска побара одложување, со образложение дека им е потребно време да се подготват.
Три недели по инцидентот со рамнењето на земјиште кај поликлиниката Бит Пазар, како што стои во обвинението со намера да градат паркинг, двајцата обвинети скопјани застанаа пред судијата.
Со претходни ветувања од страна на политичките партии, обвинетиот, изреволтиран од нивниот однос, нема направено ништо друго освен што ја има израмнето земјата, рече адвокатот на еден од обвинетите.
Адвокатот Драган Пешевски, бранител на еден од обвинетите, пак, уверува дека двајцата немале цел да градат или трајно да ја оштетат земјата кај поликлиниката. Биле мотивирани од, како што кажа, револт од нерализираните ветувања што ги добиле од некои политичари..
„Можеби знаете за која земја се работи, тоа е паркингот зад поликлиниката „Бит Пазар“ кој долги години служеше како див паркинг.Со преходни ветувања од страна на политичките партии, обвинетиот изреволтиран од нивниот однос, нема направено ништо друго, освен што ја има израмнето земјата. Ништо повеќе од тоа. Никаква градба, никаква наплата, никакви рампи кои ги споменува обвинителството. Ништо од тоа нема“, изјава, Драган Пешевски, адвокат.
За овој случај, ОЈО Скопје поведе постапка веднаш по узурпацијата на земјиштето и побара притвор за осомничените.
„Во ноќни услови, на особено фреквентно место од градот, со своите ископувања стигнале до самите ѕидови на болницата, при што го загрозиле пристапот до болницата и спроводот на пациентите во итни случаи. Намерата на осомничените била во најкраток можен период за време на викендот да го заокружат криминалниот потфат со ставање сопствена рампа со која во иднина би го узурпирале просторот и би профитирале од наплата на паркинг без дозвола. Ова за Обвинителството укажува дека тенденцијата на осомничените била и понатаму да се занимаваат со казниви дејствија што го оправдува стравот дека постои опасност тие да го повторат кривичното дело“,соопштија од ОЈО Скопје на 14 мај кога поведоа постапка.
На првоосомничениот тогаш му беше определен притвор од 8 дена, додека на второосомничениот – управувачот со багерот, судот му изрече мерка претпазливост.
