Женската репрезентација издржа само три четвртини и со двоцифрен пораз се враќа од Португалија

Домаќинот на овој меч славеше со 65-52 иако по три четвртини игра, предноста изнесуваше само два разлика (47-45). Четвртиот квартал Португалките го отворија со 14-4 и на тој начин го решија прашањето околу победникот. Во последните шест минути Македонија постигна само три поени, а последниот кош го реализира Митрашиновиќ на 4:30 минути пред крајот. Тоа го искористија домаќинките за да дојдат и до преубедлива победа во однос на она што се случуваше на теренот.

Една од причините за поразот е во тоа што целиот товар во нападот падна врз само три македонски кошаркарки: Митрашиновиќ, Хемпе и Селцова кои заедно постигнаа 48 од вкупно 52 поена и упатија 40 од вкупно 55 шута. Останатите четири поени ги поделија Кметовска и Тасевска, а целиот меч нашата репрезентација го одигра со само осум кошаркарки. Хемпе беше единствена со позитивен +/- индекс (5).

Веќе в недела Македонија го игра вториот натпревар во овој циклус, против поранешниот европски шампион Србија на домашен терен.