Зголемени безбедносни мерки за Вучиќ по инцидент со службеното возило
Специјалната единица „Кобри“, која е задолжена за безбедноста на српскиот претседател Александар Вучиќ, го подигна нивото на заштита на највисоко можно ниво поради инцидент во кој експлодирала гума на неговото службено возило, објави српскиот весник Блиц.
По анализата на сите околности и потенцијалните безбедносни ризици, одговорните за неговото обезбедување решија да ги заострат мерките за заштита на претседателот.
Според извештаите, во саботата, додека Вучиќ патувал кон Мокрин, каде што требало да ги посети локалните жители, неговото службено возило останало без гума или изгубило тркало. Иако инцидентот завршил без последици, безбедносните служби го сметаат за сериозен ризик.
Овој настан предизвика загриженост во српската јавност и отвори прашања околу безбедноста на претседателот, по што специјалните служби одлучија да ги засилат мерките на претпазливост за да се спречат потенцијални закани.
