Земјоделците продолжија да блокираат неколку гранични премини во Белгија и Холандија
Земјоделците денеска продолжија со блокирање на неколку гранични премини меѓу Белгија и Холандија, барајќи пониски даноци и производствени трошоци и протестирајќи против увозот на евтини земјоделски производи, соопштија белгиските и холандските центри за контрола на сообраќајот.
Во соопштението на платформата Х се наведува дека е блокиран и граничниот премин кон Антверпен, кој е второ по големина европско пристаниште и втор по големина град во Белгија.
Холандскиот транспортен центар ги советува патниците да ги одложат патувањата во Белгија доколку е можно поради блокадата на граничните премини, објави NL Times.
Локалните медиуми објавија дека повеќето од земјоделците кои ги блокираат премините дошле од Белгија.
Во западниот дел на Белгија, земјоделците веќе неколку дена го блокираат сообраќајот на камиони во пристаништето Бриж, а речиси 2.000 камиони се блокирани, јави телевизијата ВРТ.Протести на фармерите се одржуваат и во други европски земји, меѓу кои Германија, Франција, Полска, Грција, Португалија и Романија, пренесува Танјуг.
