Зеленски: Со обидот да ја присвои Украина, Русија ја искривува историјата
Претседателот на Украина, Володимир Зеленски, денеска изјави дека Русија, обидувајќи се да ја присвои Украина, ја искривува историјата и дека Украинците дале голем придонес во победата над нацизмот.
„Со обидот да ја присвои Украина, Русија го присвојува сеќавањето на друга нација и ја искривува историјата. Затоа вреди да се потсетиме не само денес, на Денот на сеќавањето и победата над нацизмот, туку секогаш: Украинците дадоа голем придонес во таа победа. Тие со својата крв го запреа глобалното зло“, напиша Зеленски на платформата „Икс“.
Според него, повеќе од осум милиони Украинци се бореле против нацизмот, не само како дел од советската армија, туку и во сојузничките армии.
