Зеленски ја поддржува иницијативата на Ердоган за трилатерална средба со Трамп и Путин во Турција
Украинскиот претседател Володимир Зеленски изјави дека ја поддржува иницијативата на турскиот лидер Реџеп Таип Ердоган за одржување трилатерална средба со претседателите на САД и Русија, Доналд Трамп и Владимир Путин, во Турција. Тој истакна дека без таков состанок нема да има прекин на огнот во Украина.
„Ја поддржувам средбата на ниво на лидери бидејќи имам впечаток дека нема да има прекин на огнот пред нашата средба“, рече Зеленски на прес-конференција во Киев.
Белата куќа претходно објави дека Трамп е отворен за поканата на Ердоган за мировни разговори во Анкара или Истанбул. Турскиот претседател најави дека ќе ги покани и Зеленски и Путин, како и Трамп, за да се обидат да најдат решение за конфликтот.
По втората рунда преговори во Истанбул, украинскиот министер за одбрана Рустем Умеров рече дека Киев верува оти сите клучни прашања може да се решат на ниво на лидерите и предложи средбата да се одржи до крајот на месецот.
