ВУЧИЌ: Го знам секое српско село, речиси секоја српска куќа во Косово и знам дека нема добро решение
Српскиот претседател Александар Вучиќ вели дека нема чудотворец кој може да им донесе добро решение на Србите во Косово и Метохија.
Вучиќ изјави дека Белград е секогаш отворен за дијалог со Приштина и дека е подготвен да оди во Брисел за да го продолжи дијалогот со косовскиот премиер Албин Курти, но дека Србија нема да дозволи прогон на нејзиното население и дека се очекува да се појави со далекусежни и важни предлози пред Собранието на Србија веќе во текот на октомври, пренесува Блиц.
Како што кажа Вучиќ, какви предлози и да даде Србија, „сите би биле против“.
„Иако јас сум претседателот кој водеше најмногу разговори, многумина ја немаат видено другата страна. Нема чудотворец кој може да им донесе добро решение на Србите за Косово и Метохија. Го знам секое српско село, речиси секоја српска куќа во Косово и Метохија ги знам сите проблеми, знам дека нема добро решение исто така и за оние кои доаѓаат од Запад“, рече Вучиќ, пренесе Блиц.
На Косово деновиве беа уапсени неколку Срби и тие добија куќен притвор. Косовските власти велат дека навредувале полицајци.
Фото: EPA-EFE/SARAH MEYSSONNIER / POOL MAXPPP
