ВУЧИЌ ГИ ОБВИНИ ДЕКА ОДРАБОТУВААТ ЗА СВОИТЕ ГАЗДИ: Опозицијата во Србија ги внела чадните бомби во „долна облека“
Опозицијата во Србија ги внела чадните бомби во „долна облека“ во Собранието. Ова го тврди српскиот претседател Александар Вучиќ.
Тој додаде дека опозициските пратеници предизвикале инциденти во Собранието затоа што брзале „да ја завршат валканата работа за своите газди“. Српскиот претседател изјави дека чека да слушне што ќе каже обвинителството, но дека нема да мирува „додека тие што го направиле ова не одговараат“. Вучиќ изјави дека вчера бил тежок ден за Србија, за секој нормален граѓанин на земјата, поради „насилничко и хулиганско однесување“. Три пратенички беа повредени.
Претседателката на Собранието, Ана Брнабиќ вели дека Собранието изгледало како воена зона.
