„Вриејте ја водата 10 минути, фрлете ја храната допрена од тињата“: ИЈЗ објави итен протокол за заштита од зарази во поплавените подрачја

Повлекувањето на водата не значи крај на опасноста. Институт за јавно здравје (ИЈЗ) денеска издаде сет на строги препораки за населението во поплавените региони, предупредувајќи дека секундарните ефекти од поплавите – загадената вода, глодарите и бактериите – можат да бидат сериозна закана по здравјето. Епидемиолозите апелираат на ригорозна хигиена и внимателност со храната и водата.

Д-р Драган Кочински, раководител на одделот за Епидемиологија на заразни заболувања, предупредува дека контактот со поплавената вода носи ризик од хемиска и фекална контаминација. За да се спречи појава на цревни и кожни зарази, граѓаните мора да се придржуваат до следниве правила:

Додека не добиете официјална потврда од јавните претпријатија или Центрите за јавно здравје (ЦЈЗ) дека водата е безбедна, таа треба да се смета за техничка и неисправна.

Поплавната вода носи отпадни материи, микроорганизми и хемикалии. Затоа, правилата за безбедност на храната се ригорозни:

Одржувањето на личната хигиена е првата линија на одбрана.

Поплавите го нарушуваат живеалиштето на глодарите, а студеното време ги принудува да бараат засолниште во домовите.

ИЈЗ издаде специфична препорака за единиците на локалната самоуправа и ЦЈЗ. По повлекувањето на водата и сушењето на почвата во дворовите, потребно е:

Граѓаните треба внимателно да ја следат својата здравствена состојба. Доколку се појават симптоми како треска, стомачни проблеми (дијареа) или кожни инфекции, веднаш треба да се побара лекарска помош.

ИЈЗ препорачува засилено присуство на медицински екипи во најпогодените места за да се обезбеди грижа за ранливите категории – хронично болните, лицата над 65 години, бремените жени и децата.