Време е за К-15: Роковите течат, еве колку изнесува минималниот регрес и кој веќе го добил

Одбројувањето започна – работодавачите имаат нешто повеќе од еден месец да ја исполнат својата законска обврска кон работниците. Исплатата на регресот за годишен одмор, популарно познат како К-15, е во полн ек, а над 600.000 вработени во државата го очекуваат овој финансиски додаток на своите трансакциски сметки до крајот на годината.

Законската рамка е јасна: обврската за исплата започна на 1 јули и трае заклучно со 31 декември. Додека голем дел од компаниите веќе ја завршија оваа обврска, инспекциските служби будно следат дали сите ќе го испочитуваат законот во „фото-финишот“ на 2025 година.

Според официјалните податоци на Управата за јавни приходи (УЈП), динамиката на исплата е солидна, но сè уште има многу работа.

Висината на К-15 не е фиксна, туку зависи од просечната нето-плата во државата и секторот во кој работите. Законскиот минимум е 40%, а максимумот 100% од просечната исплатена нето-плата во последните три месеци.

Врз основа на ова, минималните загарантирани суми за оваа година се:

Од Сојузот на синдикати на Македонија (ССМ) нотираат позитивен тренд. Според нивните анализи, компаниите од година на година стануваат сè подисциплинирани во почитувањето на ова работничко право.

Сепак, сликата не е идеална насекаде. Синдикатот предупредува дека сè уште постојат работници кои минатата година останале „со празни раце“, не добивајќи воопшто исплата, пракса која мора да се искорени.

Државниот инспекторат за труд (ДИТ) најавува засилени контроли во периодот што следи. За оние што нема да ја исполнат законската обврска до 31 декември, предвидени се парични санкции:

Покрај глобите, инспекторите имаат право да издадат решение со кое ќе го задолжат работодавачот да го исплати заостанатиот регрес.