Во Србија стануваат на сила важни закони, олеснување за македонските граѓани при патување, признавање дипломи…
Министерот за надворешни работи Бујар Османи на својот Фејсбук профил истакна дека во Србија стапуваат на сила важни закони, а тоа значи олеснување за македонските граѓани при патување.
„Денес во Србија влегуваат во сила трите договори во рамки на Берлинскиот процес – договорот за слободно движење во Западен Балкан со лични карти, договорот за признавање на високо образовните квалификации и договорот за признавање на стручните квалификации на доктори, стоматолози и архитекти. По Северна Македонија, Албанија и Косово, Србија е четвртата држава во рамките на Западен Балкан во која стапуваат во сила договорите“, напиша Османи.
